nu sok nepikeun biantara teh biasana

Nu sok nepikeun biantara teh biasana disebut orator. Biantara nyaeta nepikeun caritaan atawa kedalan di hareupeun jalma rea anu naskahna disusun sacara rapih jeung merenah. Dina basa Indonesia biantara teh sarua hartina jeung pidato. Komunikasi nu aya dina biantara, boh biantara basa Sunda boh biantara basa lianna, nyaeta saarah atawa monologis. Biantara direspon ku anu ngaregepkeunana ngan saukur ku unggeuk, godeg, seuri atawa keprok.  

Pembahasan

Sangkan bisa jadi orator, urang kudu bisa nepikeun hiji biantara sacara merenah jeung hade. Sangkan bisa nepikeun biantara anu merenah jeung hade urang kudu ngestokeun sawatara unsur nu aya dina hiji padika pikeun nepikeun hiji biantara anu disebut TAMAN. Di handap ieu dijentrekeun naon anu dimaksud ngestokeun unsur TAMAN dina biantara, nyaeta yen dina nepikeun biantara teh kudu:  

1. Tatag dina nyaritana, nyaeta dina nyarita teh henteu karagok atawa henteu ngarandeg.
2. Aktual dina temana, nyaeta ulah nepikeun biantara anu miboga tema anu geus basi.
3. Munel dina eusina, nyaeta biantara anu ditepikeun teh kudu loba mangpaatna atawa loba pulungeunana.
4. Alus dina basana, nyaeta saperti ngagunakeun mamanis basa.
5. Ngandung wirahma, nyaeta dina nyarita teh kudu diatur tarik alonna, gancang launna, atawa luhur handapna atawa anu sok disebut lentong.

Salian ngestokeun unsur TAMAN di luhur, dina biantara basa Sunda perlu merhatikeun oge pilihan kecap anu merenah, nyaeta saperti ngagunakeun ragam basa Sunda anu merenah. Dina basa Sunda aya dua ragam basa nyaeta anu disebut ragam basa hormat / lemes jeung ragam basa loma.  

Pelajari lebih lanjut

• Nu kudu dipikanyaho samemeh nulis biantara https://brainly.co.id/tugas/11711758
• Cara nepikeun biantara dina basa Sunda brainly.co.id/tugas/6508865
• Hal-hal anu kudu diperhatikeun dina biantara brainly.co.id/tugas/4565331

__________

Detil Jawaban

Kelas : IV

Mapel : Bahasa Sunda - Komunikasi Dina Pakumbuhan

Bab : 8

Kode : 4.13.1

Kata Kunci : Biantara, biantara basa Sunda